Напаѓачот на Челси, Кол Палмер, играчот на Манчестер Сити, Рико Луис и играчот на Астон Вила, Езри Конса, се дополнително повикани во репрезентацијата на Англија за натпреварите против Малта и Македонија во квалификациите за ЕУРО 2024.
Селекторот на Англија, Гарет Саутгејт, наместо повредените Џејмс Медисон, Калум Вилсон и Луис Данк реши да ги повика во репрезентацијата Палмер (21), Луис (18) и Конса (26). Палмер и Луис досега играа за младинската репрезентација на Англија. Сите тројца ќе го чекаат своето деби.
Британските медиуми наведуваат дека фудбалерот на Реал Мадрид, Џуд Белингам, поради повреда е неизвесен за дуелите со Малта и Македонија, а неговиот клуб наводно го притиска да не игра на овие натпревари.
Англија на 17 ноември ќе ја пречека со Малта, а три дена подоцна ќе се сретне со Македонија во Скопје. Картите за овој натпревар од денеска се во продажба, а уште од утрото имаше редици народ.
Избраниците на селекторот Гарет Саутгејт веќе обезбедија пласман на завршниот турнир што следната година ќе се игра во Германија, па овие два натпревара единствено треба да ѝ послужат на Англија да го завери завери местото во најсилниот барабан при завршната жрепка. Само седум победници од деветте групи ќе бидат во тој барабан, заедно со домаќинот Германија.
