Овие лазањи од шпагети ќе ви се допаднат на првиот залак, а сите ќе ве прашуваат за рецептот за ова јадење. Превкусно, а секој може успешно да го направи.
Италијанската кујна е една од најпознатите во целиот свет, а еден од најдобрите специјалитети се секако лазањите. Не се тешки за подготовка, а доколку сакате да ги јадете, ви го предлагаме и овој рецепт. Станува збор за лазањи направени со шпагети, а за уште подобар вкус додадете прелив од кашкавал. Задолжително пробајте, бидејќи сигурно ќе уживате во секој залак.
Потребни состојки:
- 800 мл сос од домати
- 1 конзерва сечкан пелат
- 1 кромид
- 1 пиперка
- 4 чешниња лук
- 900 гр мелено месо
- 1 лажичка ворчестер сос
- ¼ чаша суво црвено вино
- италијански зачин
- мелена пипер
- сол
- лук во прав
- кромид во прав
- 2 прстофата шеќер
- свеж босилок
- 2 лажици доматна паста
- 1 пакување шпагети
- 250 гр тврд кашкавал (по можност чедар)
- маслиново масло
За преливот:
- 1 шолја рендан пармезан
- 300 гр моцарела
- ½ шолја кисела павлака
- 150 гр кремсир со лук
- свеж магдонос
- сол
- бибер
- лук во прав
- кромид во прав
Подготовка:
Загрејте го маслиновото масло, а потоа додадете ги исечканите кромид и пиперка. Пржете додека не омекнат, па додадете мелено месо и толчен лук. Добро зачинете (сол, бибер, лук и кромид во прав, италијански зачин, мелена пипер), па измешајте, а кога месото малку ќе се испржи додадете пелат, доматна паста и шеќер. Промешајте и оставете да се крчка неколку минути, а потоа сипете го црвеното вино. Оставете да зоврие, па истурете го доматниот сос. Оставете го сосот да зоврие и покријте го, а потоа гответе на тивок оган околу еден час или два, повремено мешајќи. Вкусете го готовиот сос и додадете шеќер ако е премногу кисел. Додадете сечкан босилек.
Во сад измешајте кремсир, павлака, сечкан магдонос, зачините, па додадете рендана моцарела (оставете малку на страна) и рендан пармезанот. Сè убаво измешајте, а шпагетите сварете ги според упатството - ал денте. Во тава истурете тенок слој месо, потоа процедените шпагети, па слој од смесата со кремсир. Посипете со рендан чедар, па наредете уште еден слој шпагети, па месо, како и ренданата моцарела што ја оставивте на страна. Печете во загреана рерна на 190°C околу 30 минути.
