Мекото вкусно пилешко е лесно за подготовка, лесен е и оброк што можете често да го правите.
Ова ароматично пилешко се прави со путер, со додавање на зачини и кромид. Сосот од домати исто така игра важна улога, а варениот ориз совршено ги впива сите тие сосови.
Потребни состојки:
- 1 кг пилешки гради
- сол
- бибер
- 2 лажички црвена пипер
- ½ лажичка куркума
- 6 лажици несолен путер
- 225 гр жолт кромид
- 1 лажичка ким
- 3 чешниња лук
- 395 гр доматен сос
- 240 мл вода
- 240 мл слатка павлака
- варен ориз
- свеж магдонос
Подготовка:
Прво сварете го оризот, кој ќе ви терба подоцна за сервирање.
Во поголем сад ставете го пилешкото (исчистено од кожи и коски, исечкано на парчиња) и зачинете го сол, бибер, лажичка мелена црвена пипер и куркума. Оставете да се маринира 15 минути. Растопете 2 лажици путер во големо тенџере на средна топлина. Пропржете го пилешкото, а потоа извадете го од тавата.
Во тенџере растопете уште 2 лажици путер, а потоа додадете го кромидот исечкан на коцки, преостанатата црвена пипер, мелениот ким, толчениот лук, куркумата, сол и бибер. Гответе додека не замириса. Додадете го сосот од домати и оставете да зоврие. Додадете вода и слатката павлака и оставете да зоврие. Вратете го пилешкото во тенџерето, покријте го и динстајте 10-15 минути.
Измешајте ги преостанатите 2 лажици путер и зачинете со повеќе сол и бибер по вкус. Послужете го пилешкото со варениот ориз и украсете со магдонос.
