Редок настан се случи во болница во градот Винарос, во провинцијата Кастелон, во источниот шпански регион Валенсија.
Гинеколог во Шпанија изведе царски рез на трудница која носеше близначки и го изваде едното од бебињата во недопрена амнионска кеса или водена обвивка.
Докторката Ана Теијело, која беше задолжена за лекарскиот тим кој го направи царскиот рез, на Twitter сподели видео од породувањето кое се случило во средата на 23 март.
Фотографиите и видеата што беа објавени јавно, го покажуваат раѓањето на близначката завиткана во амнионската кеса, што е случај што се случува еднаш на 80.000 раѓања.
„Денес имавме скриено породување со царски рез (втор близнак) во болницата Винарос и одушевеноста на присутните може да се види овде“, напиша таа во описот на фотографиите.
Скриено породување, познато и како породување „сирена“ или „en caul“, е случај кога бебето излегува во недопрена амнионска кеса, која обично пука кога мајката ќе почне со породување.
Ваквите раѓања се почести за време на царски рез, но може да се појават и при вагинални породувања. Мал број раѓања близнаци се изведуваат со царски рез, што потенцијално ја објаснува оваа инциденца.
