Бројот на новозаразени со COVID-19 денеска во Шведска се искачи на рекордни 1.474 случаи, а надлежните велат дека оваа бројка е резултат на зголемениот број на тестирања.
Вкупниот број на заразени со коронавирус изнесува 48.300, додека пак вкупниот број на починати изнесува 4.814.
Наместо со изолација, Шведска со пандемијата се бори со доброволно почитување на превентивните мерки, иако главниот шведски епидемиолог минатата недела призна дека земјата можела да направи повеќе за да го заштити населението.
Во оваа земја се направени 49.200 тестирања.
