Новиот Megane E-Tech Electric е првиот модел од серијата на електрични возила од генерацијата 2.0 и го означува почетокот на новото поглавје на електричната револуција која Renault ја започна пред 10-тина години.
Целосното име на моделот е Megane E-Tech Electric и пристигнува како кросовер со нулта емисија, тежок е 1.624 килограми и ја користи електричната платформа CMF-EV.
Го движи електричен мотор кој испорачува 130 КС и 250 Nm максимален вртежен момент. Со моќниот мотор од 0 до 100 км/ч забрзува само за 7,4 секунди и достигнува максимална брзина од 160 км/час.
Електричните мотори добиваат енергија од батеријата од 40 или 60 kWh. Првата има доволно енергија за да се поминат 300 километри, а со втората може да се поминат до 470 километри. Батеријата има 8-годишна гаранција.
Кога ќе се испразни батеријата, со ѕидниот полнач од 7,4 kW и со полнење од 8 часа ќе може да се поминат 400 километри.
Megane E-Tech Electric ќе биде достапен за нарачки од февруари 2022 година, а продажбата ќе започне 1 месец подоцна.