Компанијата Boston Dynamics ги покажа новите вештини на својот робот Atlas.
Во видеото објавено на социјалните мрежи, Atlas покажува импресивна агилност и умешност.
За време на демонстрациите, хуманоидната машина доставила торба со алат до врвот на скелето, каде што се наоѓал „работник“ кој претходно заборавил да ја земе со себе.
Откако работникот ја активирал, Atlas прво зел табла што ја ставил помеѓу дрвените импровизирани скали и скелето, а потоа ја подигнал торбата од подот. Потоа, се качил по скалите, ја поминал таблата одржувајќи рамнотежа, а потоа скокнал на повисоко ниво и му ја фрлил торбата со алат на работникот.
Откако ја завршил задачата, турнал дрвена кутија од скелето и скокнал на неа, а својата „точка“ ја завршил со салто во воздух.
Импресивно.
