Легендарниот бразилски фудбалер Роналдињо е пуштен на слобода од домашен притвор во Парагвај. Тој беше уапсен во март под обвинение дека користел фалсификуван пасош за да влезе во земјата.
Роналдињо и неговиот брат поминаа еден месец во затвор, па уште четири во домашен притвор во хотел во Асунсион. И двајцата се ослободени, но мора да платат кауција од 200.000 долари.
Фудбалерот кој му помогна на Бразил да го освои Светското првенство во 2002 година и беше најдобриот играч во светот и идол на милиони луѓе, беше уапсен во март заедно со брат му Роберто де Асис Мореира по истото обвинение.
Обвинителите сметаа дека Роналдињо не знаел дека патува со фалсификуван пасош, но дека брат му знаел дека патните исправи не им се легални. И двајцата се изјаснија за невини.
