Кристијано Роналдо бара Јувентус да му исплати заостанат долг од 19,5 милиони евра, но клубот тврди дека тој самиот се откажал од тие пари кога се преселил во Манчестер Јунајтед.
Кавгата меѓу Кристијано Роналдо и Јувентус е блиску до завршната фаза. Денеска, во доцните попладневни часови, адвокатите на португалскиот ас и оние на клубот од Торино ќе ги поднесат своите последни брифови во арбитражата за фамозните 19,5 милиони евра за кои Роналдо смета дека му се должат како заостанати плати од сезоната 2020/2021.
Од друга страна, Јуве нема апсолутно никаква намера да ги исполни барањата на актуелниот напаѓач на Ал Наср, кој играже за „Старата дама“ од 2018 до 2021 година, тврдејќи дека самиот Кристијано всушност веќе се откажал од четирите месечни спорни плати во моментот на преселбата во Манчестер Јунајтед, пренесува La Gazzetta dello Sport.
Ова тврдење, нормално, го негира Португалецот.
Во јуни, Роналдо се одлучи на тужба, чијашто фаза на судење продолжи во изминатите неколку месеци, поради формални препирки. Сега, со поднесувањето на последните поднесоци од двете страни, ќе има само едно дополнително рочиште - не е сигурно дека ќе се одржи - во јануари, пред одлуката на Арбитражниот совет која се очекува во април.