На 36-годишна возраст, Кристијано Роналдо сѐ уште е во најдобра форма и на врвот на својата игра, благодарение на строгиот режим на исхрана и вежбање, како и дисциплината.
Роналдо го следи начинот на исхрана „малку, а почесто“. Тој обично го дели дневниот внес на храна на шест помали оброци што ги консумира во интервали од два до четири часа. Ова не само што го одржува правилното функционирање и метаболичката стапка, туку и го спречува телото да се чувствува слабо и гладно во текот на денот. Исто така, клучно е овој метод да го одржува нивото на маснотиите во неговото тело исклучително ниско.
Неговите соиграчи забележуваат дека избегнува газирани пијалоци, замрзната храна и црвено месо.
„На тренинзите, правиме неколку круга низ теренот, вежби за истегнување и кардио загревање за да избегнеме непотребни повреди“, објаснува Роналдо и ги охрабрува сите да воведат задолжително загревање во нивната рутина за вежбање.
Кога е во теретана, главниот тренинг на Роналдо е поделен помеѓу кардио вежби, како што се трчање и тренинзи со тежина.
„Освен што ќе го направите тренингот поинтересен, важно е да им се даде важност на сите делови на телото, а комбинираните вежби ја подобруваат силата и издржливоста“, советува Роналдо, кој дома често вежба заедно со свршеницата Хеорхина Родригес, која е модел.
Хидротерапија
Со терапијата со контрастна вода вода, топлата вода прво го стимулира протокот на крв низ телото до екстремитетите, а потоа ладната вода ја испраќа крвта назад во трупот, со што се регенерира телото. Покрај Роналдо, многу спортисти промовираат хидротерапија како најдобра терапија за регенерација на мускулите.
Покрај класичната хидротерапија, Роналдо поминува време во базен секој ден и има редовна рутина на пливање и вежби што се изведуваат во вода.
Закрепнување
Роналдо во секојдневната рутина вклучува до пет пократки паузи од 90 минути за да остане одморен и полн со енергија.
„Во фудбалот ги имате основите, како квалитетен тренинг и правилна исхрана и пиење, но закрепнувањето ми е најважно“, заклучува Роналдо.
