Легендарниот португалски фудбалер го изненадил селекторот на Португалија, Роберто Мартинес, со своето однесување на нивната прва средба.
Мартинес седна на клупата на португалската репрезентација во јануари годинава, само еден месец по Мундијалот во Катар, каде во четвртфиналето беа поразени од Мароко со 1:0.
Роналдо по тој натпревар заврши во солзи, а многумина мислеа дека ќе ја заврши својата репрезентативна кариера, бидејќи беше на клупата за резерви во нокаут-фазата против Швајцарија и Мароко.
Сепак, Мартинес веднаш истакна дека капитенот е важен дел од неговите планови и оттогаш постигна 9 гола на 7 натпревари под негово водство, што резултираше со тоа Португалија да се пласира на ЕУРО 2024 побрзо од НА кој било друг турнир во историјата.
„Никогаш не сум сакал да избирам играчи по име без да ја запознаам личноста зад играчот“, изјави поранешниот менаџер на Виган и Евертон за Cadena SER, додавајќи:
„Се обидов да се сретнам со сите кои беа во списокот за Светското првенство, а кога го запознав Кристијано, сфатив дека тој е играч кој е желен да продолжи да дава сѐ за репрезентацијата. Видов личност која сакаше да биде многу посветена и на услуга на тимот. Нешто што не мора да биде случај со играчи како Кристијано кои постигнале сѐ во животот. Вистината е дека бев многу изненаден што ја имаше таа понизност и желба да му служи на националниот тим. Тоа беше почетната точка и основата на сите играчи кои дојдоа во оваа соблекувална“, рече Мартинес.
иако се пресели во Ал Наср, Роналдо продолжи да добива повици за репрезентацијата, а неодамна постигна по два гола против Босна и Херцеговина и Словачка.
