„Јуве, пристигнав. И останувам“, порача Кристијано Роналдо, цитиран од La Gazzetta dello Sport.
И покрај гласините дека португалската суперѕвезда ќе го напушти Јувентус ова лето, Павел Недвед вчера изјави дека клубот не добил никаков сигнал од Роналдо дека сака да си замине и додаде дека наскоро го очекува во Торино и дека ќе се приклучи на подготовките на 25 јули . Дотогаш тој е на одмор по завршувањето на ЕУРО.
La Gazzetta dello Sport пишува дека 36-годишниот Роналдо веќе одлучил да остане во Јувентус и следната сезона и дека клубот има намера да му понуди нов договор. Неговиот сегашен истекува следното лето, поради што започнаа гласините за трансфер, така што Јувентус не го загуби без обештетување.
Сепак, со оглед на возраста на Роналдо, таа и онака не би била премногу висока, особено ако тој се реши да се врати во Спортинг, како што шпекулираа некои медиуми.
Како можни нови/стари дестинации, освен Спортинг, беа споменати Реал Мадрид, Манчестер Јунајтед и ПСЖ.
