По седум месеци патување, роверот Perseverance денеска ќе слета на Марс, што ќе биде почеток на повеќегодишна потрага по докази за микробиолошки живот на Црвената планета.
Во мисијата „Mars 2020“ е вклучено најголемото возило некогаш испратено на Марс. Роверот е создаден во лабораторијата на НАСА, тежи еден тон и има роботска рака долга 2 метри. Опремено е со 19 камери и два микрофони за снимање.
Ако пристигне недопрен, Perseverance ќе биде петтиот ровер кој успешно го завршил патувањето од Земјата до Марс.
Минатата недела кинеското летало Tanwen-1 пристигна во орбитата на Марс, а треба да се спушти на површината во мај.
Perseverance вечерва околу 21:55 часот по средноевропско време би можел да слета на предвидената локација на Марс, за која научникот Кен Ферли од НАСА смета дека е спектакуларна.
Станува збор за кратерот Језеро наречен по село во Босна и Херцеговина, базен широк 45 километри и се наоѓа на северната полутопка на Марс. Првите фотографии од површината на планетата брзо ќе бидат достапни, со ниска резолуција. Видеоснимките, вклучително и влегувањето во атмосферата, се очекуваат подоцна.
Следете го слетувањето во живо:
