Русија ги информира САД дека почнуваат со годишните нуклеарни вежби и дека од утре во тоа се вклучува лансирање на нуклеарни проектили, соопшти американската влада.
САД соопштија дека очекуваат Русија да изврши пробни лансирања на проектили во текот на годишните вежби на стратешки нуклеарните сили „Гром“, напомнувајќи дека во минатото се служела со интерконтинентални балистички ракети.
Според новиот СТАРТ договор, Русија е должна однапред да извести за таквите лансирања на проектили.
„САД се известени и како што претходно истакнавме, ова е рутинска годишна вежба на Русија“, објави генерал Патрик Рајдер, портпарол на Военото воздухопловство, на брифинг со новинарите.
Русија претходно пред Советот за безбедност на ОН изнесе обвинувања дека Украина се подготвува да употреби „валкана бомба“ на сопствена територија, но западните и украинските политичари и функционери одлучно го отфрлија тврдењето како дезинформација и изговор за ескалација на војна.
Претходно, Генералниот секретар на НАТО, Јенс Столтенберг, изјави дека сојузниците на НАТО го отфрлаат обвинувањето дека Украина се подготвува да употреби „валкана бомба“ на своја територија за да ја обвини Русија за настанатата радиоактивна контаминација.
Што е валкана бомба и зошто Русија тврди дека Украина може да ја употреби?