Во ракетниот напад на Русија врз Одеса загинаа 14 лица, меѓу кои и болничар и спасувач, кои дошле на помош по првата експлозија, пренесува Українська правда. Најмалку 46 лица се повредени, меѓу кои седум спасувачи.
Украинските воздухопловни сили предупредија дека постои ризик од напад на балистичка ракета пред да се слушнат првите експлозии.
Одеса е дом на украинската црноморска пристанишна инфраструктура, која долго време беше цел на руски напади.
Од ударот се оштетени и 10 приватни куќи, автосервис, гасовод со низок притисок и две противпожарни возила. Во моментот се работи на гаснење на пожарот на гасоводот и на приватна куќа, со вкупна површина од речиси 120 квадратни метри. Во областа Одеса за утре е прогласен ден на жалост, јави државната телевизија Суспільне.