„Мароко ги призна САД во 1777 година. Соодветно е да го признаеме суверенитет на оваа земја над Западна Сахара“, напиша на Twitter американскиот претседател Доналд Трамп.
Објавата следеше по склучувањето на договорот за нормализирање на односите меѓу Израел и Мароко со посредство на САД, во чии рамки Трамп го призна суверенитетот на Мароко над Западна Сахара.
„Денеска потпишав проглас за признавање на суверенитетот на Мароко над Западна Сахара“, потврди Трамп на Twitter.
„Сериозен, кредибилен и реален предлог за автономија на Мароко (врз територијата) е единствената основа за праведно и долготрајно решение за траен мир и просперитет“, додаде тој.
Тој склучувањето на договорот за нормализирање на односите меѓу Мароко и Израел го оцени како историски чекор напред за постигнување мир на Блискиот Исток.
Договорот предвидува воспоставување дипломатски и официјални контакти меѓу Мароко и Израел, летови низ воздушниот простор на овие земји, како и директни летови.
Како дел од договорот, американскиот претседател Доналд Трамп се согласи да го признае суверенитетот на Мароко над Западна Сахара.
Мароко во Западна Сахара со децении се бори со движењето Фронт Полисарио, поддржано од Алжир, кое се обидува да воспостави независна држава на таа територија.
Западна Сахара има прпгласено независност уште од 1975 година до кога била шпанска колонија, но до денес само 45 земји ја имаат признато. Мароко, пак, има добиено формална поддршка од 25 држави, повеќето од Арапската лига. Но, сега тоа се менува бидејчи голем играч како САД влезе во игра.
Инаку, Западна Сахара е пустинска земја и важи за една од најслабо населените територии во светот со 567 илјади жители на 266.000 км².
