Лидерот на Исламска држава (ИСИС) во Сирија, Махер ал-Агал, е убиен при напад со американско беспилотно летало.
Американската Централна команда соопшти дека Агал е елиминиран во близина на Џиндирес, а во нападот сериозно е повреден еден од неговите најблиски соработници.
Додека The Jerusalem Post објави дека цел на нападот бил лидерот на ИСИС и неговиот заменик.
Нападот врз Ал Агал се случи по пет месеци откако во американска операција во градот Атме беше елиминиран лидерот на ИСИС, Абу Ибрахим ал Куреши. Според американските власти Куреши загинал кога активирал бомба за да избегне апсење.
Во 2019 година лидерот на ИСИС, Абу Бакр ал-Багдади, загина за време на американски напад во Идлиб. Тој исто така го активирал самоубиствениот појас за време на американската воена операција.
