Шпанските власти објавија дека масовното тестирање на жителите на новиот коронавирус покажа дека во земјата сè уште нема колективен имунитет или „имунитет на стадо“.
Во досегашното тестирање е утврдено дека со коронавирус биле заразени околу 2.3 милиони луѓе во Шпанија, односно 5 проценти. Ова е околу 10 пати повисока бројка од досегашните 228.691 потврден случај во земјата. Околу 26% од заразените се асимптоматски. Истражувањето покажа дека антителата се помалку присутни кај децата отколку во останатата популација.
Властите се надеваат дека испитувањето ќе ја открие вистинската претстава за епидемијата и ќе им помогне да ја надгледуваат нејзината динамика. Масовното тестирање покажа големи разлики меѓу регионите бидејќи во најтешко погодените региони има 5 проценти повеќе заразени отколку во најмалку погодените делови на земјата.
Нема големи разлики меѓу старосните групи и половите.
Истражувањето покажа дека жителите на Шпанија сè уште се ранливи на вирусот. Според Универзитетот Џон Хопкинс, за една популација да развие колективен имунитет или имунитет на стадо потребно е меѓу 70-90% од населението да е заразено со вирусот.
