Maкедонската актерка Сара Климоска е дел од десетте добитници на наградата „Ѕвезди во подем“ (Shooting Stars) која платформата Европска филмска промоција (EFP) секоја година ја доделува на најталентираните европски актери.
Ѕвездата на филмот „Врба“ на Милчо Манчевски се најде меѓу 10-те млади актери кои ќе ја добијат наградата на манифестацијата што ќе се одржи од 23 до 25 февруари, пред 71. издание на Берлинале, годинава во дигитален формат.
„Иако годинава, за жал, нема да можеме да се сретнеме лично, ве покануваме да се придружите, да ги откриете и да ги славите најдобрите европски актерски таленти во подем, а ќе останеме дома, на безбедно. Тоа е мотото на годинашната дигитална програма на European Shooting Stars“, рече, меѓу другото, Соња Хајнен, управна директорка на EFP.
„Изведбата на наградената актерка Сара Климоска од Северна Македонија е откритие во вистинска смисла на зборот, со емотивна длабочина која ги надминува нејзините години, прекрасно прикажана во филмското деби на Игор Алексов ‘Лена и Владимир’ кое ќе биде прикажано оваа година“, стои во образложението од EFP.
Изборот на десетте актери и актерки од исклучителниот збир на номинирани од цела Европа не беше лесна задача за годинашното жири што се состои од американската кастинг директорка Касандра Хан, косовската режисерка Антонета Кастрати и данскиот продуцент Рене Езра.
Покрај Климоска, европски Ѕвездеиво подем оваа година се: Сеиди Харла од Финска, Николас Мауру од Франција, Албрехт Шуч од Германија, Наташа Сорк од Унгарија, Фион О Ши од Ирска, Жигиманте Елена Јакштаите од Литванија, Мартин Лакмејер од Холандија, Алба Батиста од Португалија и Густав Линд.
Shooting Stars е најстарата и најпрестижна иницијатива за промоција на европски таленти на меѓународниот филмски пазар. Од Македонија, оваа награда досега ја добиле Лабина Митевска во 2009, Наташа Петровиќ во 2011 и Благој Веселинов во 2019.
Сара е родена на 27 јули 1994 година во Струга, а нејзината филмографија изгледа вака:
