Со гол во судиското надополнување Сасуоло му го нанесе третиот сезонски пораз на Јувентус и втор на домашен терен.
Гостите од Сасуоло го отворија резултатот на минута пред паузата кога Давиде Фратези погоди по една одлична акција во која учествуваа неколкумина гостински играчи.
Како течеше времето Јувентус се чинеше дека нема да успее да постигне гол, сѐ до 76. минута кога Американецот Вестон МекКени постигна израмнувачки погодок со глава по нафрлувањето од Пауло Дибала.
И кога сите помислија дека „Старата дама“ ќе го сврти резултатот и ќе ги освои трите бода, тоа не се случи, напротив, во судиското надополнување гостите се израдуваа на победа.
Се играше четвртата минута кога Доменико Берарди одлично го проигра Французинот Максим Лопес кој ја затресе мрежата на Матиа Перин за 1:2.
Истовремено во Џенова Аталанта славеше над Сампдорија со 3:1, додека во Удине домашниот Удинезе и Верона ги поделија бодовите играјќи 1:1.
По 10 кола Јуве останува на 15 бодови, додека Сасуоло има бод помалку.