Саудиска Арабија планира да засади 10 милијарди дрвја како дел од амбициозната кампања што ја почна принцот Мохамед Бин Салман.
Пустинското кралство соопшти дека овој потег е во согласност со намалувањето на емисиите на штетни гасови, борбата против загадувањето и оштетувањето на почвата, кои се закануваат во следните децении.
Бин Салман рече дека државата планира да ги намали емисиите на јаглерод диоксид со тоа што до 2030 година 50% од енергија ќе ја добива од обновливи извори, јави весникот The Sun.
Ријад исто така сака да соработува со други арапски земји на Блискиот Исток и да засади дополнителни 40 милијарди дрвја, што според принцот би било најголемата програма за пошумување во светот.