Европскиот центар за превенција и контрола на болести (ЕЦДЦ) предупреди минатата недела на зголемен број на заразени со коронавирус, а Светската здравствена организација (СЗО) исто така е загрижена за зголемувањето на случаите на коронавирус во некои земји пред зимата.
Покрај тоа, новата варијанта Pirola веќе се прошири во некои земји, а познато е дека има повеќе од 30 мутации. Но, добрата вест е што, според досегашните податоци, варијантите кои циркулираат не предизвикале потешка болест од досега познатите варијанти.
Меѓутоа, со зголемена циркулација, важно е да може навреме да се препознаат симптомите за да се реагира на време. Pirola веќе станува доминантна во ОК, а Mirror идентификуваше пет симптоми поврзани со оваа варијанта:
– кивање
- воспалено грло
– главоболка
- течење од носот
– благ или тежок замор
Pirola или варијанта BA.2.86 првпат беше идентификувана во август, а до средината на септември беше потврдена во 15 земји: Австралија, Канада, Данска, Франција, Германија, Израел, Јапонија, Португалија, Јужна Африка, Јужна Кореја, Шпанија, Шведска, Швајцарија, Обединетото Кралство и САД.
