Официјалниот фотограф на францускиот претседател Емануел Макрон објави серија фотографии од зад сцената пред вториот круг на гласање за претседателските избори.
На една од фотографиите, Макрон позира во лежерно издание со раскопчана кошула, а во преден план се неговите влакнести гради.
Странските медиуми пишуваат дека Макрон со овие фотографии сака да ги привлече младите гласачи, кои во првиот круг најмногу ја поддржаа неговата противкандидатка, екстремно-десничарската политичарка Марин Ле Пен.
Не требаше многу време оваа фотографија на Макрон да стане хит меѓу корисниците на Twitter кои си истераа сеир со обидот на претседателот да ги привлече помладите гласачи со ваквиот лежерен пристап.
„Кој би помислил... Макрон има вистински ‘љубовен тепих на градите’... Победата сега е загарантирана бидејќи го открива своето тајно оружје во пресрет на соочувањето“, „Овие влакнести гради се фотошоп“, „ Можев да поминам цел живот без да ги видам влакнестите гради на Макрон – всушност, подобро ќе беше така“, „Што е со влакнестите гради на овој Макрон“, „’Бог е мртов, но влакната на градите ми се совршени’, Ману Макрон, љприл 2022“, „Боже, би можел да наполнам душек со тие влакна на градите“, се само дел од мноштвото реакции на оваа фотографија.
Некои, пак, го споредија Макрон со Шон Конери и Роџер Федерер.
Вториот круг од претседателските избори во Франција се одржува на 24 април.