Брзо мини-интервју со играчот од средниот ред на лидерот Вардар, борбениот Али Адем.
1. Фудбалер идол?
- Лука Модриќ.
2. Најдобар фудбалер против кого имаш играно?
- Калум Хадсон-Одои.
3. Што мислиш за фудбалот од порано, кој постар фудбалер ти оставил најдобар впечаток?
- Мислам дека фудбалот порано бил многу подобар. Од постарите фудбалери, најголем впечаток ми има оставено Андреа Пирло.
4. Незаборавен момент во твојата кариера?
- Сум имал повеќе незаборавни моменти, но како најголем ќе ми остане голот против Шкендија. Се играше пред многу навивачи, а многубројни беа и Комитите.
5. Прв почеток со фудбал?
- Првите копачки ги добив на мои 9 години. Професионален договор потпишав на 18.
6. Која е твојата мотивација?
- Фамилијата ми е најголема мотивација!
7. Кој е најоткачен од твојот тим?
- Филип Гачевски!
8. Најголема казна од клуб/тренер?
- Не сум добил казна до сега и се надевам дека нема да добијам.
9. Најголем лутко од екипата?
- Кико Тошевски :).
10. Најслатка победа / најгорчлив пораз?
- Победата против Академија Пандев во Струмица со 0:3, Поразот од Чешка во квалификациите за У19 ЕУРО.
11. Филм, серија или книга која би им ја препорачал на фановите?
- „The Alchemist“ и серијата „The Shooter“.
12. Што би променил во нашата македонска фудбалска лига?
- Би ги променил условите кои ги има низ државата, нормално, да бидат подобри за да се игра поквалитетен фудбал.
Интервјуто е позајмено од footbla.com.