По крајот на 11-годишната врска, Шакира и Жерар Пике во Барселона потпишаа договор за старателство над нивните две деца.
„Потпишавме договор за старателство. Нашата единствена цел е да им дадеме најголема безбедност и заштита на децата за да можат да продолжат со своите животи во сигурно и мирно опкружување“, порачаа во заедничкото соопштение. „Цениме што нивната приватност ќе се почитува“, додаваат тие.
Четириесет и петгодишната Шакира со синовите се враќа да живее во Мајами, Флорида, пренесе весникот La Vanguardia.
„Направена е многу голема и важна жртва, Жерар за доброто на неговите деца конечно се согласи и им дозволи да живеат во САД . Тие за него се секогаш на првото место“, соопшти Рамон Тамбореро, адвокатот на Пике.
„Судската одлука само би предизвикала болка. Во реалноста, овде никој не е победник освен децата“, додаде тој.
Призна дека до договор дошле многу тешко, преговарале 5 месеци за да состават договор од 20 страници со цел да биде потпишан и од двете страни.
Децата ќе бидат со нивниот татко во текот на три периоди на празници за време на школската година. Во договорот се дозволува и делење на старателството ако Пике добие живеалиште во САД.