Претседателот на Лион Жан-Мишел Ола откри кога неговиот клуб ќе игра во осминафиналето од Лигата на шампиони, но испрати и драматично предупредување.
„Потврдено е дека реваншот со Јувентус ќе го играме во Торино на 7 август пред празни трибини. Меѓутоа, таму нема да имаме шанси да ја одбраниме предноста од 1:0 од првиот натпревар, ако не ни успее жалбата што ја поднесовме поради одлуката на француската Влада да не се продолжи сезоната што беше прекината поради коронавирусот. Бидејќи првенството нема да се продолжи, Јувентус ќе нѐ масакрира – за разлика од нас ќе бидат физички поподготвени. Причината за тоа е што италијанското првенство, за разлика од нашето, ќе продолжи“, рече Ола и додаде:
„Нема само ние да бидеме масакрирани, истото ќе му се случи и на ПСЖ кој ја помина првата нокаут рунда во ЛШ, но во четвртфиналето го чека противник кој ќе биде подготвен и загреан. Тоа е неизбежно.“
