Сер Џим Ретклиф и шеикот Џасим Бин Ал Тани испратија официјални понуди до Манчестер Јунајтед пред крајниот рок до 22 часот синоќа.
Поранешниот престолонаследник на Катар е убеден дека ќе биде новиот сопственик на „Црвените ѓаволи“.
Шеикот Џасим му ја препушти функцијата престолонаследник на својот помлад брат, сегашниот емир на земјата Тамим Бин Ал Тани, а моментално е претседател на Катарската исламска банка.
Негов противник е претседателот на групацијата INEOS, Џим Ретклиф, кој неколку пати изрази желба да го одржува Јунајтед на позицијата на фудбалска велесила.
Двајцата потенцијални сопственици неодамна изјавија дека нема да плаќаат луди пари за клубот, но информациите на британските медиуми велат дека и двете понуди се околу 6 милијарди евра.
Тоа би било рекордно купување на фудбалски клуб, а сега се чека на сегашните омразени сопственици Глејзер.
Да потсетиме, Глејзер неодамна ги исплашија навивачите со најави дека не сакаат да го продадат клубот.
