Во реванш натпреварите од 1. квалификациско коло во Европа конференциската лига на УЕФА од македонските претставници продолжува тетовска Шкендија, додека Академија Пандев се соочи со елиминација.
Шкендија отпатува во Ереван со добра предност од 2:0 и уште во 2. минута истата ја зголеми кога Колумбиецот Хуан Браво си постигна автогол. Потоа во судиското надополнување на првциот дел Албанецот Сидрит Гури го дуплираше водството.
По паузата домашните прво намалија на 1:2 преку Гор Малакјан во 49. минута, а истиот играч на 11 минути пред крајот се погрижи Арарат да не претрпи пораз пред сопствената публика.
Шкендија со вкупни 4:2 патува во 2. коло каде за противник ќе го има тимот на Валмиера од Латвија. Првиот натпревар се игра на 21 јули во балтичката држава.
Откако претрпе дебакл од 4:1 на гостувањето во Гдањск минатата недела, Академија Пандев се надеваше дека на реваншот во Скопје ќе го поправи впечатокот. Во 35. минута Мачеј Гајос донесе водство за Лехиа, а Димитар Митровски во 57. минута израмни на 1:1. Да не остане непорезен струмичкиот тим се погрижи Рафау Пјетжак во 82. минута.
Така, Академија Пандев со два пораза се збогува од фудбалска Европа уште по само едно коло бидејќи Лехија со вкупни 6:2 патува во 2. коло каде ќе игра против виенски Рапид.
На 21 јули натпреварувањата ги почнува и Македонија ЃП која како куп победник стартува од 2. коло. Во Скопје наредниот четврток ќе ја пречека софиска ЦСКА.