Порториканската боксерка Аманда Серано славеше победа против Шпанката Миријам Гутиерес, а по мечот објави заедничка фотографија на која е прикажано лицето на нејзината противничка по дури 236 удари зададени во текот на борбата.
Двете боксерки си ги одмерија силите во предборбата меѓу Џејк Пол и Тајрон Вудли, а лицето на Гутиерес е непрепознатливо.
Серано зададе 236 удари за 20 минути борба и оствари импресивна победа, само во првата рунда 37 пати ја удри противничката во лице.
„Се надевам дека се забавувате како мене. Мојата противничка Миријам Гутиерес беше навистина цврст орев. Имам само љубов и почит кон неа“, напиша таа на социјалните мрежи.
Серано веројатно следната година ќе се бори со Кејти Тејлор за титулата во лесна категорија.
