Apple денеска ќе ја претстави новата линија на iPhone телефони, Watch Series 8 и други производи на настан што го очекуваат Волстрит и голем број купувачи.
Настанот за лансирање наречен Far Out ќе започне во 19 часот, а ќе се одржи во Steve Jobs Theatre во седиштето на Apple во Купертино, Калифорнија.
Врз основа на извештајот, еве што да очекувате:
Apple вообичаено на овој септемвриски настан лансира нов модел на iPhone, а судејќи според досегашните најави, мини верзијата на моделот ќе биде укината годинава.
Новиот уред се очекува да има ажурирана камера, поголем простор за складирање и подобар дизајн, како и поефикасно поврзување со сателитската мрежа.
Цените што ги нудат за нивниот водечки производ ќе бидат внимателно следени со оглед на високата инфлација што ја поттикнува побарувачката за сите, па дури и за најпрестижните телефони. Се верува дека би можеле да ја зголемат цената и на нивниот pro модел.
Кога станува збор за поврзување на сателитската мрежа, новиот iPhone 14 веројатно ќе им овозможи на корисниците да испраќаат итни текстуални пораки дури и во ситуации кога нема мрежа.
Новиот Watch Series 8 се очекува да има поголем екран и повеќе карактеристики, вклучувајќи сензор што ја мери температурата на телото.
Можно е компанијата да лансира и pro верзија на овој модел на часовник.
Новиот модел најверојатно ќе има подобрен квалитет на звукот и повеќе сензори. Неговата обвивка се очекува да биде отпорна на вода и пот.
Се претпоставува дека новиот модел ќе доаѓа со поддршка за безжично полнење, но и дека куќиштето би можело да има приклучок Type C.
Покрај овие производи, многумина очекуваа Apple да лансира и слушалки за виртуелна реалност, но се чини дека поради тешкотиите во синџирот на снабдување, за овој производ ќе мора да почекаме барем до следната година.
