Во британската автомобилска компанија Jaguar сметат дека уште е рано за нова генерација на нивниот најголем SUV модел, кој по освежувањето и понатаму е една од најатрактивните опции во овој сегмент.
Со редизајнираниот модел F-Pace доаѓа поинаков капак на моторот со поизрасено испапчување, а „лицето“ го краси поголема маска на ладилникот и редизајнирани отвори за струење воздух, што заедно со стандардните адаптивни LED светла го прават автомобилот особено „опасен“ на изглед.
Меѓу промените на задниот дел спаѓаат куќиштата за LED светлата по пример на оние кај електричниот модел I-Pace, а со редизајнот стигна и празлична петта врата која заедно со палетот опрема R-Dynamic е дополнително обложена со црни детали.
Заснован на алуминиумска платформа, F-Pace и понатаму се нуди со дволитарски и трилитарски турбобензиски и турбодизелски мотори, со кои се нудат и благи хибридни системи, а на врвот на понудата меѓу дволитарските опции е plug in хибридот кој на возачите им нуди 400 коњски сили, што е доволно за забрзување од 0 до 100 км/ч за нешто повеќе од 5 секунди, како и нешто повеќе од 50 поминати километри без асистенција од моторот со внатрешно согорување.
Трилитарските шестцилиндарски турбобензиски и турбодизелски мотори во најдобар случај исто така развиваат 400 КС, а за пренос на моќноста на сите погонски опции е задолжен осумстепениот автоматски менувач.
Од Jaguar велат дека минималистички уредениот ентериер на редизајнираниот модел F-Pace е изведен во уште поквалитетни материјали. Подобрена е и звучната изолација, а возачот и сопатниците имаат на располагање уште низа „играчки“ и простор за багаж.
