Во просек, Сината Месечина се појавува на секои 2,7 години.
Сината Месечина е појава на уште една полна Месечина во ист календарски месец.
Месечината понекогаш навистина знае да посини и оваа појава е одамна позната. На пример, на 7 август 1883 година било забележано дека Месечината била сина, а истото се случило и на 26 септември 1950.
Што е причината за ова синило?
Причината за посинетата Месечина се ситните честички прашина во атмосферата. Овие честички ги расипуваат светлосните зраци, но не сите поеднакво.
Белиот зрак е хетероген, се состои од повеќе разнобојни зраци од кои секој има своја бранова должина. Повеќе се расипуваат зраците со најголема бранова должина на светлина, а тоа се зраците со црвена боја. Затоа, кога белиот месечев зрак доаѓа во нашата атмосфера поради честичките прашина најмногу се расипуваат зраците со црвена боја, а до нас стигнуваат зраци со крaтка бранова должина, а тоа се зраците со сина боја. Затоа Месечината ни изгледа сина.
Исто така, овие честички прашина, кои прават нашиот природен сателит да посини, не се обични честички. Во случајот на сината Месечина од 1883 година тие стигнале во атмосферата од вулканот Кракат, по неговата ерупција. Сината Месечина од 1950 година, пак, е последица на честички што настанале во процесот на согорување за време на големите шумски пожари во Канада.
Во просек, Сината Месечина се појавува на секои 2,7 години.
Логично е Месечина со сина боја да се појавува во месеците што имаат 31 ден, а е невозможно да се појави во февруари дури и кога е престапна година, бидејќи и тогаш февруари е пократок од временскиот период што е потребен за Месечината да помине низ сите свои фази.
Овој месец ќе имаме Сина Месечина на небото. Будејќи Супермесечина имавме на 1 август, на 30-ти истиот месец ќе има втора Супермесечина, а таа воедно ќе биде и Сина Месечина.
Сината Месечина како израз
Како фраза, изразот „сина месечина“ означува нешто што многу ретко се случува, само понекогаш или можеби никогаш. Изразот доаѓа од англискиот јазик („Blue Moon“) и е познат повеќе од 4 века. Кај нас во некои варијанти значењето одговара на изразот „кога врбата ќе роди грозје“.
