Овој декември пристигнуваат многу нови серии, но и нови сезони на најпопуларните хитови кои имаат обожаватели ширум светот.
Филмот „The Power of the Dog“ е објавен денес, а во него се зборува за ранчер кој е садист(го глуми Бенедикт Камбербеч) и кој ќе му се спротивстави на неговиот брат бидејќи ќе ги донесе дома својата жена и синот.
Сандра Булок се враќа на филмското платно со филмот „The Unforgivable“. Булок ја глуми Рут Слатер, жена која е пуштена од затвор по 20 години бидејќи била осудена за убиство на полицаец. Таа се обидува да најде место во општеството кое одбива да ѝ го прости минатото.
Кон крајот на месецот пристигнува и сај-фај црната комедија „ Don't Look Up“ со Џенифер Лоренс и Леонардо Дикаприо во главните улоги. Ќе се појават и Мерил Стрип, Роб Морган, Аријана Гранде и Кејт Бланшет.
Втората сезона на „Emily in Paris“ ќе биде објавена на 22 декември. Се зборува за млада девојка која се прилагодува на животот во оваа метропола.
И најдоброто за крај: на 3 декември пристигнува и вториот дел на петтата сезона на серијата „La Casa de Papel“, а фановите со нетрпение очекуваат да го видат крајот на оваа мегапопуларна серија.