Судењето меѓу Џони Деп и Амбер Хер конечно доби завршница, а сега е откриено што ќе направи славниот актер со парите добиени од неговата бивша жена.
Судењето меѓу Деп и Херд привлече светско внимание бидејќи и двајцата открија морничави детали од заедничкиот живот. Поротата донесе едногласна одлука во корист на Џони Деп, а Амбер која го обвини за физичко насилство и силување требаше да му исплати 10 милиони долари поради наводните лажни изјави кои ги даваше за него, со цел да му го наруши угледот.
Но, адвокатите успеаја да постигнат договор според кој осигурително друштво ќе му исплати милион долари на Деп, за да се стави крај на случајот.
Сега, адвокатите на Деп објавија соопштение за јавноста. Во него се вели дека нивниот клиент добиените милион долари ќе ги донира во хуманитарни цели. Актерот решил да ги подели парите на оние кои им се најпотребни, пренесе People.
Иако оваа сума е десет пати помалку од одредената, Амбер во кратка изјава соопшти:
„Не сакав ништо од ова, не го бирав, едвај чекам да си продолжам со животот“, спомнувајќи дека во текот на последните месеци била буквално распната на социјалните мрежи.