Со доаѓањето на пролетта се менува и содржината на фрижидерот. „Тешката“ храна ја заменуваме со полесна и која содржи голем процент вода.
Покрај тоа што содржат дури 97% вода, краставиците се корисни за нашето тело на многу начини.
Краставиците се една од тие намирници, а освен што се исклучително вкусни, тие се и многу здрави. Секако, ова се однесува на свежите краставици, а не на киселите краставички кои се полни со конзерванси.
Претпоставуваме дека најчесто ги јадете во салата, но треба да стекнете навика да ги користите сами, па дури и како ужина.
Водата со краставица е исто така исклучително популарна, па сега е идеално време да ја пробате.
Она што е исклучително добро кај краставиците е фактот што се нискокалорични и одлични за организмот.
Знаеме дека е исклучително важно да внесуваме доволно количество течност во текот на денот, а тоа е особено точно во потоплите денови, кои се сѐ поблиску до нас. Внесот на течности не мора секогаш да биде во форма на пијалак. Дали знаевте дека краставиците содржат дури 97% вода? Тоа ги прави совршени за хидратација на телото.
Краставиците се полни со полифеноли и лингани, кои го намалуваат ризикот од одредени видови на рак. Ова се однесува, на пример, за рак на дојка и рак на грлото на матката.
При спомнувањето на краставиците, вашата прва асоцијација секако не се коските, но верувале или не, тие се одлични и за нив. Овој зеленчук е богат со витамин К, кој ја поддржува густината на коските и нѐ штити од фрактури. Витаминот К овозможува подобра дистрибуција на калциум во телото и игра голема улога во спречувањето на остеопорозата.
Со консумирање краставици помагате во чистењето на цревата. Ензимот ерепсин ги разградува протеините и на тој начин го забрзува варењето, особено месото. Покрај тоа, краставиците имаат корисен ефект врз природното намалување на високиот крвен притисок.
Кога сте нервозни, полни со грижи и стресот ви е на високо ниво – изедете краставица. Имено, овој зеленчук е богат со витамин Б и на нашиот организам му помага на природен начин да се ослободи од стресот.