Според податоците на Центарот за контрола и превенција на болести, за месото во фрижидер да биде безбедно за консумирање, мора правилно да го спакувате.
Ако сакате да го ставите остатокот од месото од ручекот во фрижидер, не го пакувајте без размислување.
Големите парчиња месо, како печено месо или цело пиле, треба да се поделат на мали количини кога ќе се стават во фрижидер. Остатоците треба да се чуваат во фрижидер на температура од 4,5°C или пониска, најдоцна два часа по готвење. Ако храната била изложена на температури повисоки од 32°C, треба да се стави во фрижидер во рок од еден час. Тоа се прави за да се спречи развојот на бактерии, велат експертите од американскиот Центар за контрола и превенција на болести.
Конзумирањето храна која содржи бактерии може да ве изложи на ризик од сериозни болести. Ешерихија коли и салмонела се два вообичаени типа на бактерии кои можат да се најдат во месото. Ако сте консумирале храна која ги содржи овие бактерии, може да се развие труење со храна. Ешерихија коли може да предизвика дијареа, инфекции на уринарниот тракт, респираторни заболувања и инфекции на крвотокот, додека салмонелата предизвикува гадење, повраќање и треска.
Според Центарот за контрола на болести, поголем ризик имаат децата до пет години, трудниците, како и лицата постари од 65 години, чиј имунитет е ослабен.
Месото обработено со топлина (пржено, печено или похувано) може да се чува во фрижидер до четири дена, додека сланината или колбасот може безбедно да стојат во фрижидер до една недела.
Исто така, многу е важно да се направи правилен распоред на полиците на фрижидерот. Не е важно како е спакувана храната, бидејќи и покрај ниската температура, посилните мириси можат да се рашират на сите намирници.
Продолжете да читате >>> Внимателно со месото: Колку време смеете да го чувате во замрзнувач?