Причините за неверство може да бидат различно, а според Британскиот журнал по психологија, поголемиот број партнери и импулсивниот карактер се карактеристики коишто ја зголемуваат веројатноста за неверство.
Иако секоја врска е уникатна, истражувачи од Универзитетот во Квинсленд проучуваа зошто луѓето изневеруваат и открија дека постојат одредени фактори кои укажуваат на зголемена веројатност од неверство.
Според резултатите од истражување, веројатноста за прељуба се зголемува кај луѓето кои имале поголем број партнери или имаат импулсивен карактер.
Податоците објавени во British Journal of Psychology сугерираат дека импулсивните луѓе може да изневерат едноставно затоа што не застануваат да ја разгледаат ситуацијата туку делуваат на основа на нивните непосредни мисли и емоции.
Оние кои во минатото имале поголем број сексуални партнери се склони на неверство и бараат други партнери бидејќи развиле одредени „вештини“ во тоа подрачје, сметаат истражувачите.
Во истражувањето учествувале 123 хетеросексуални личности на возраст од 17 до 25 години, а кои биле во врска. Резултатите покажале дека голема е веројатноста мажите да имаат секс кога изневеруваат, додека мажите и жените се подеднакво склони кон неверство кое вклучува само бакнување.