Швајцарија се приклучи кон санкциите кон Русија со што ја прекина својата вековна неутралност.
Богатата алпска држава, позната по својата неутралност, исто така усвои финансиски санкции против рускиот претседател Владимир Путин, премиерот Михаил Мишустин и министерот за надворешни работи Сергеј Лавров.
Неутралната Швајцарија ќе ги усвои санкциите на Европската Унија против Русија, а со тоа оваа земја се откажа од својот историски неутрален статус.
„Со оглед на континуираната воена интервенција на Русија во Украина, Федералниот совет на 28 февруари одлучи да ги усвои пакетите санкции наметнати од ЕУ на 23 и 25 февруари“, се вели во соопштението на Владата. Швајцарија усвои и финансиски санкции против рускиот претседател Владимир Путин, премиерот Михаил Мишустин и министерот за надворешни работи Сергеј Лавров, кои ќе стапат на сила веднаш, се вели во соопштението.
„Швајцарија ја потврдува својата солидарност со Украина и нејзиниот народ; таа ќе обезбеди резерви на помош за луѓето кои побегнаа во Полска“, соопшти Владата. Швајцарскиот претседател Ињацио Касис во неделата рече дека е „многу веројатно“ Швајцарија да ја следи политиката на ЕУ.
Швајцарија мораше да избере помеѓу тоа да покаже солидарност со Западот во однос на, како што вели, сериозното кршење на меѓународното право на Москва, или да ја задржи својата традиционална неутралност, за која вели дека може да ја направи потенцијален посредник.
Но, таа се соочи со зголемен притисок јасно да застане на страната на Западот против Москва и да усвои казнени санкции.