Новата акциона серија на Netflix насловена FUBAR го најавува враќањето на Арнолд Шварценегер во светот на шоубизнисот.
Легендарниот актер во серијата FUBAR (акроним за fucked up beyond all repair), игра агент на ЦИА пред пензионирање, кој ќе открие семејна тајна и е принуден да се врати на терен за уште една последна акција.
Покрај Шварценегер, во серијата од осум епизоди ќе играат и Моника Барбаро, Џеј Баручел, Форчен Фејмстер, Милан Картер, Тревис Ван Винкл, Габриел Луна, Енди Бакли, Апарна Бриел, Барбара Ив Харис и Фабијана Уденио.
„Каде и да одам, ме прашуваат кога ќе направам уште една голема акциона комедија како True Lies. Па, еве ви“, вели Шварценегер
„FUBAR ќе ве помести од место и ќе ве насмее - и тоа не само два часа. Добивате цела сезона“.
Последната улога на Шварценгер му беше во Terminator: Dark Fate од 2019 година.
Премиерата на FUBAR е на 25 мај, ексклузивно на Netflix.