Арнолд Шварценегер стана најскапиот персонален тренер во САД откако во неделата тренираше две екипи од кои секоја за вежбањето платила по 150 илјади долари. Но, сите тие пари Арнолд всушност ќе ги донира во неговата хуманитарна организација.
Шварценегер „призна“ дека сега наплатува 150.000 долари по тренинг во својата омилена теретана, која се наоѓа во Калифорнија. Оваа недела имаше прилика да вежба со две групи и секоја ја плати споменатата сума, но сето тоа беше со добри намери.
Двете групи ја платија сумата од 150 илјади долари на аукција во рамки на хуманитарната акција After-School All-Stars која Арнолд ја основаше пред 30 години, а со цел да им помогне на учениците ширум земјата.
Во рамки на акцијата луѓе донираа 5,2 милиони долари, од кои 1,75 милиони дојдоа од аукцијата. Освен тренингот, Арнолд на аукција продаваше и облека, уметнички дела и дури и возење во неговиот тенк.
Гостите плаќаа по 50 илјади долари од човек само за да учествуваат на настанот. Личности како Силвестер Сталоне, Дени ДеВито и Долф Лундгрен, кои одбележаа легендарни филмови глумејќи со Шварценегер, заедно со актерите од новата акциона серија на Netflix наречена „Fubar“, во која глуми и Арнолд, се појавија на настанот.
Неодамна Арнолд и After-School All-Stars програмата помогнаа да се отвори училиштен програм во Увалде во сојузната држава Тексас, по барање на градот, а беа потребни смао 45 дена за програмата да биде подготвена за помош на децата при активностите по часовите.
