Шведска од 30 јуни ќе ја укине забраната за патувања кои не се неопходни за граѓани од 11 европски земји, соопшти Министерството за наворешни работи.
Во соопштението се наведува дека забрана ќе биде укината за Грција, Хрватска, Шпанија, Италија, Португалија, Словенија, Франција, Исланд, Белгија, Швајцарија и Луксембург.
„За другите земји и понатаму важи забраната за патувања кои не се неопходни“, рече шведската министерка за надворешни работи Ан Линде.
Таа на прес-конференција во Стокхолм рече дека за земјите надвор од ЕУ и Шенген зоната забрабата важи до 31 август.
