Манчестер Сити и Ливерпул денеска на стадионот „Етихад“ играат големо дерби на англискиот лига, а фудбалските фанови ги насмеа гафот на Жузеп Гуардиола на прес-конференцијата пред натпреварот.
Зборувајќи за најдобрите играчи на „Црвените“, Пеп најпрвин го спомена Мохамед Салах, а потоа сакаше да каже дека сега таму се Унгарецот Доминик Собослаи и Холанѓанецот Рајан Гравенберх, но се мачеше да ги изговори нивните презимиња и стана предмет на шеги на социјалните мрежи.
Собослаи го нарече Сволази, а потоа рече Гравенер и се поправи велејќи Гравенбрт.
Сволази набрзо стана вирален натпис на социјалните мрежи, а на Instagram веднаш реагираше и самиот Собослаи кој на една од објавите коментираше со неколку емотикони за плач од смеење.
„Салах и кој? Кој?“, напишаа навивачите на социјалните мрежи, а навивачите на Ливерпул порачаа дека Унгарецот денеска ќе се погрижи Гуардиола добро да го памети.
Големото дерби помеѓу Сити и Ливерпул започна во 13 часот и 30 минути.