Унгарскиот министер за надворешни работи и трговија Петер Сијарто изјави денеска доколку ЕУ не преземе чекори за проширување, би можело да го загуби Западен Балкан.
Сијарто на состанокот на министрите на ЕУ во Луксембург изјави дека политиката на проширување е една од најважните политики на ЕУ.
Според неговите зборови, Унијата ќе води „политики спротивни на нејзините интереси“ доколку не успее да ги забрза преговорите за Србија и Црна Гора и ако го одложи почетокот на преговорите со Северна Македонија и Албанија.
Тој истакна дека на ЕУ повеќе ѝ е потребен Западен Балкан отколку што на Западен Балкан му е потребна ЕУ и додаде дека губењето на тој регион може да биде лошо сценарио.
Сијарто изјави дека наскоро би требало да започнат преговорите со Северна Македонија и Албанија.
Но, и покрај охрабрувачките тонови и обидите да се убеди Бугарија да го тргне непринципиелното вето за Северна Македонија, Скопје и Тирана повторно остануваат пред вратите на ЕУ без можност да ги започнат преговорите за кои ги исполнија сите услови, јави дописничката на МИА од Брисел.
Како што јави МИА утрово, дискусијата за проширувањето и посебно за Северна Македонија била бурна на денешниот Совет за општи работи на ЕУ. Германија, Словачка и бројни други земји инсистирале Бугарија да го отстрани ветото за Северна Македонија кое почива врз билатерален конфликт и за кое ЕУ смета дека не му е место во ЕУ.
Продолжете со читање: Џабе бурната дискусија, Македонија повторно извиси за ЕУ
