Прославениот бразилски дефанзивец е разочаран од потегот на неговиот клуб во Париз да го донесе Серхио Рамос откако претходно него го исфрли поради возраста.
Тиаго Силва го напушти ПСЖ минатото лето откако не му беше понудено да го продолжи договорот. Причината беше дека е веќе стар, но сега клубот го донесе исто така стариот Серхио Рамос, кој ќе игра токму на неговото место.
Бразилецот сега го носи дресот на Челси, но неговата желба беше да остане во Градот на светлината. Многу го погодил начинот на кој „Светците“ се откажаа од него и тоа велејќи му дека е престар, за потоа да го донесат Рамос кој е едвај помлад од Силва.
„Серхио Рамос беше на исто години кога потпиша двегодишен договор за ПСЖ како јас минатата година кога се разделивме. Не поминав во ПСЖ 8 дена или месеци, поминав 8 години. Имав големи победи и макотрпна работа со која клубот го направивме она што е денес“, се жали Тиаго Силва.
Она на кое алудира Тиаго Силва е тоа што кога си замина од ПСЖ имаше 35 години (во септември му е роденден), а Рамос кога летово потпиша за ПСЖ исто така имаше 35 години (роден е во март).
„Немам ништо против Рамос, но тој потег ме разочара. Ме повреди бидејќи се почувствував како ништо да немам направено за клубот“, додаде тој.
Силва го напушти ПСЖ по загубеното финале од Лигата на шампиони во август 2020 година, но потоа минатава сезона успеа да го освои пехарот играјќи за Челси.
