Кристијано Роналдо цело лето бараше клуб во кој ќе замине од Манчестер Јунајтед, а со кој би играл во Лигата на шампионите.
Меѓу другите се споменуваше и Атлетико Мадрид. Сепак, трансферот не се реализираше и 37-годишниот Португалец остана во англиската Премиер лига. Тренерот на Атлетико, Диего Симеоне, во интервју за Tigo Sport зборуваше за гласините за доаѓањето на Роналдо.
„Една птичка ми кажа дека имало искушенија да се доведе Роналдо, а друга ми кажа дека разговорите веќе почнале“, рече аргентинскиот новинар Мартин Либерман. Симеоне одговори:
„Птичките ви кажале сè што е далеку од вистината. Луѓето кажуваат што сакаат, а не што се случува. Роналдо е легенда на Реал Мадрид. Не гледам Мартин Палермо да игра во Ривер Плата или Хуан Роман Рикелме или Мартин Ортега во Бока Жуниорс. Ситуацијата е сосема јасна“.
Симеоне, според тоа, смета дека доаѓањето на Роналдо во Атлетико не е можно. Од друга страна, свесен е за неговиот квалитет.
„Нему му се случува она за што му зборував на Луис Суарес. Му кажав дека ќе продолжи да дава голови бидејќи тоа му е вродено. Не се сомневам дека Роналдо повторно ќе дава голови. Невозможно е да си замине кога е психички силен каков што бил отсекогаш. Тој ќе покаже каков напаѓач е“, смета Симеоне.