Singer ги прави едни од најубавите модифицирани автомобили Porsche во светот, а новиот Sotto е јубилејна 300-та реставрација и како магнет привлекува внимание и погледи.
Автомобилот го започна животот како Porsche 911 Targa од 1990 година, Singer го измени за да изгледа поретро, исто како и другите креации на компанијата. Каросеријата од јаглеродни влакна е обоена во Resistance сина боја, а на дното на автомобилот има суптилна линија со натпис Porsche. Кровната плоча е во темносина боја и може лесно да се отстрани. Масивните карбонско-керамички сопирачки се видливи зад бандажите со пет краци во Fuchs стилот.
Купувачот избра портокалова кожа за внатрешноста, која ги покрива седиштата, панелите на вратите и долниот дел од контролната табла, а тахометарот одговара на бојата.
Автомобилот го придвижува феноменалниот 4,0-литарски 6-цилиндричен мотор на Singer со воздушно ладење, кој испорачува 390 КС и врти со 9.000 вртежи во минута. Издувниот систем е направен од титаниум, а купувачите можат да избираат помеѓу 5-степен мануелен и 6-степен менувач.
Singer започна со работа во 2009 година и брзо доби голем број следбеници, а сега работи во огромен објект во Торенс, Калифорнија. Процесите на производство, бојадисување, монтажа и внатрешна завршна обработка се изведуваат на едно место. Покрај тоа, Singer работи и во Обединетото Кралство.
Во 2022 година, Singer соопшти дека повеќе нема да прима нарачки за моделите Classic Study, како овој 911. Во тоа време, шефот на компанијата, Роб Дикинсон, рече дека има намера да го ограничи производството на 450 примероци.
Singer ја произведува и серијата модели Turbo Study. Овие автомобили потсетуваат на моделите 911 Turbo од 70-тите, а клиентите буквално „полудеа“ по нив. Досега се забележани примери со каросерија инспирирани од тркачки автомобили, кабриолет, но и купе со потрадиционален изглед.
