Десетгодишниот син на Вин Дизел, Винсент Синклер, ќе се појави во филмот „Fast and Furious 9“ како помлада верзија на ликот на Дизел, Доминик Торето.
Синот на славниот актер ги сними своите сцени во текот на 2019 година, објави Variety. Пред Винсент, Алекс Мекги ја играше помладата верзија на Доминик.
Снимањето на деветтото продолжение на „Fast and Furious“ започна во јуни 2019 година во студиото Leavesden во Хертфордшир, Англија, а заврши во ноември истата година.
Иако премиерата беше закажана за минатото лето, студиото Universal го премести датумот за премиера поради пандемијата на коронавирус, најпрво на 2 април 2021 година, а потоа на 28 мај, а последниот датум е 25 јуни.
„Fast and Furious 9“ ја продолжува приказната од осмиот дел од франшизата што имаше премиера во 2017 година.
Во ова ново поглавје, Дом Торето ќе се соочи со неговиот помлад брат Јакоб и со убиецот кој ја подготвува својата одмазда.
Во филмот играат уште Џон Сена, Шарлиз Терон, Мишел Родригес, Тајрис Гибсон, Крис Лудакрис Бриџис, Џордана Брустер, Натали Емануел, Сунг Канг и Хелен Мирен.