Технологијата MagSafe е основата на новиот стандард за безжично полнење Qi2.
Стандардот за безжично полнење Qi постои веќе 14 години, но корисниците мораа да чекаат неколку години за неговото користење во паметните телефони. Иако овој тип на полнење до денес е ревидиран неколку пати, поради што неговата сегашна верзија 1.3 се смета за многу зрела технологија, секогаш има простор за подобрување, што покажува и презентацијата на најновата итерација на стандардот - Qi2 - за за чиј развој, верувале или не, најголема заслуга има Apple.
WMC (Wireless Power Consortium) очекува Qi2 да ја замени постоечката технологија, а главната разлика помеѓу новата и сегашната верзија е решението што го нарекуваат Magnetic Power Profile, благодарение на кое полначите ќе можат совршено да се позиционираат со помош на магнети, намалувајќи го непотребниот енергетски отпад.
Дали ова звучи познато? Новото решение се базира на технологијата MagSafe на компанијата Apple, која работеше со другите членови на конзорциумот на развојот на стандардот за безжично полнење Qi2.
Според Пол Струсакер, извршен директор на WPC, потрошувачите и продавачите биле збунети околу тоа кои уреди имаат Qi сертифициран, а кои не, но работат без сертификат. „Оваа конфузија може да доведе до лошо корисничко искуство, па дури и безбедносни проблеми“, така што Qi2 ќе мора да обезбеди гаранции за потрошувачите и трговците на мало дека сертифицираните уреди се „безбедни, ефикасни и интероперабилни со други брендови“.
Иако сè уште нема официјални спецификации, портпаролот на WPC наведува дека Qi2 ќе понуди почетна моќност за полнење од 15 W - исто како и MagSafe - и овој стандард на крајот ќе имплементира профили за поголема моќност и различни опции за полнење.
Се очекува првите паметни телефони и полначи со Qi2 сертификат да бидат пуштени во продажба до крајот на 2023 година. Кој би помислил дека Apple знае да ги сподели своите играчки...