Манчестер Сити летово би можел да доведе уште едно големо засилување и тоа во дефанзивниот дел на тимот.
Жузеп Гуардиола не крие дека би сакал да го доведе дефанзивецот на Лајпциг, Јошко Гвардиол, а сега реализацијата на тој трансфер е сѐ поблиску.
Имено, Нејтан Аке се наоѓа на трансфер листата и е многу блиску до враќање во Челси од каде дојде во Сити во 2017 година, што му отвора простор и пари на Пеп да го доведе Гвардиол.
Гвардиол игра на позициите стопер и лев бек исто како и Аке, но тој е седум години помлад од 27-годишниот Холанѓанец чиј татко е од Брегот на Слоновата Косна.
Хрватскиот репрезентативец минатото лето се пресели од Динамо во Лајпциг за 18 милиони евра, а Сити за да го донесе на „Итихад“ би требало да потроши тројно поголема сума.