Селекторот на аргентинската фудбалска репрезентација вчера зборуваше за финалето против Франција на Светското првенство 2022.
– Францускиот тим не е само Мбапе. Во нивниот ростер има многу, многу опасни играчи. Килијан е млад и сè уште може да се развива како играч. Веќе решив како ќе играме против нив. Останува само уште еден тренинг. Нашата идеја е да му задаваме проблеми на противникот, а ние што помалку да бидеме изложени на опасност, изјави Лионел Скалони.
Финалниот натпревар на Мундијалот во Катар ќе се одигра во Лусаил со почеток во 16 часот.
Претходно, Хрватска го победи Мароко со 2:1 и го освои бронзениот медал.